अल्का अस्पतालकी गीताको शव जंगलमा भेटियो, संकामा भतिजो पक्राउ

काठमाडौं । भदौ १७ गते हराएकी ललितपुरस्थित अल्का अस्पतालकी कर्मचारी गीता केसीको शव ललितपुरको लेलेस्थित सामुदायिक जंगलमा फेला परेको छ ।

३९ वर्षीय गीताको शव शुक्रबार साँझ भेटिएको महानगरीय प्रहरी परिसर ललितपुरका एसएसपी टेकप्रसाद राईले बताए ।अफिस जान्छु भनेर घरबाट हिँडेकी गीता तीन दिनदेखि बेपत्ता थिइन्।

गीताको हत्या गरी जंगलमा फालिएको हुन सक्ने आशंका प्रहरीले गरेको छ । हत्याको आशंकामा गीताकै भतिजो नाता पर्ने निर्मल केसीलाई पक्राउ गरिएको एसएसपी राईले बताए।