आज देखि आन्तरिक हवाई उडान बन्द

काठमाडौँ । कोरोना भाइरस संक्रमणको जोखिम बढ्दै गएपछि नियन्त्रणका लागि सरकारले सोमबार मध्यरातिदेखि आन्तरिक हवाई उडान बन्द गर्ने निर्णय गरेको छ ।

मन्त्रिपरिषद बैठकले कोभिड–१९ संकट व्यवस्थापन केन्द्र (सीसीएमसी) को सिफारिसअनुसार आन्तरिक उडान बन्द गर्ने निर्णय गरेको हो । राष्ट्रिय तथा अन्तर्राष्ट्रिय चार्टर्डलाई उडान अनुमति दिइने भएपनि मन्त्रिपरिषद्ले वैशाख २२ गते रातिदेखि अन्तर्राष्ट्रिय उडान रोक्ने निर्णय गरेको छ ।