- २५ फाल्गुन २०८२, सोमबार / Mar 9, 2026
१ श्रावण २०७७ काठमाडौं । नेकपाका तीन शीर्ष नेता बालुवाटारमा वारपारको वार्तामा जुटेका छन् । ६ दिन सम्म कुनै निष्कर्ष ननिकालेका नेताहरु फेरी वारपारको सम्वादमा जुटेको दाहाल सचिवालयले जनाएको छ ।
निकास नदिएपछि अध्यक्षद्वय केपी शर्मा ओली, पुष्पकमल दाहाल ‘प्रचण्ड’ र बरिष्ठ नेता माधव कुमार नेपालबीच आज वार्ता भइरहेको बताइएको छ । ओली र प्रचण्ड एक्लाएक्लै धेरैपटक छलफलमा बसे पनि सहमति नजुटेपछि माधव नेपाल पनि आजको वार्तामा सहभागी भएका हुन ।
एक व्यक्ति एक पदको कुरालाई मुख्य विषय बनाएर कुराको उठान भएको स्रोतले बतायो । असार १० गतेबाट सुरू भएको नेकपा स्थायी कमिटी बैठकमा बोल्ने अधिकांश सदस्यले ओलीले पार्टी अध्यक्ष र प्रधानमन्त्री दुबै पदबाट राजीनामा दिनुपर्ने माग राखेपछि पार्टी फुटको संघारमा पुगेको थियो । त्यसै कारण स्थायी कमिटी बैठक साउन २ गतेसम्मका लागि स्थगित गरिएको छ ।
