- ३२ असार २०८३, बिहीबार / Jul 16, 2026
काठमाडौं । बालाजुस्थित आन्तरिक राजस्व कार्यालयका कम्प्युटर अपरेटर राजन शर्मा घुससहित पक्राउ परेका छन् । सेवाग्राहीसँग ४३ हजार रुपैयाँ घुस लिएको अख्तियार दुरुपयोग अनुसन्धान आयोगले जनाएको छ ।
शर्मालाई बालाजुस्थित आन्तरिक राजश्व कार्यालय परिसरबाट मंगलबार नियन्त्रणमा लिएको हो । अख्तियार दुरुपयोग अनुसन्धान आयोग, टङ्गालबाट खटिएको टोलीले टिमुर किचन रेष्टुरेन्ट ढुङ्गेधारा, बनस्थलीका सञ्चालक सन्तोष थापा मगरलाई समेत नियन्त्रणमा लिएको छ ।
कर तिर्न सहजिकरण गरिदिए वापत उक्त रकम लिने दिने क्रममा दुवै जनालाई नियन्त्रणमा लिएको आयोगका सहप्रवक्ता गणेशबहादुर अधिकारीले बताए । अहिले थप अनुसन्धान भइरहेको अख्तियारले जनाएको छ ।
