उक्लिदै बालेन, खुम्चिदै स्थापित

काठामडौं । स्वतन्त्र उम्मेदवार बालेन साहले काठमाडौँ महानगरपालिकाको मेयरमा २६ हजार ६०१ ल्याएका छन् ।

उनले अहिलेसम्म आफ्नो अग्रतालाई निरन्तर बढाइरहेका छन् । दोस्रो स्थानमा रहेका एमालेका केशव स्थापितले १४ हजार ३८६ मत पाएका छन् ।

तेस्रो स्थानमा रहेकी कांग्रेसकी सिर्जना सिंहले १३ हजार ४०८ मत ल्याएकी छन् । वडा नम्बर २७ को मतगणना गर्दा स्थापितलाई केही मत बढी आएको छ ।

उपमेयरमा भने एमालेकी सुनिता डंगोलले २६ हजार ५ सय ७५ मत पाएकी छन् । त्यस्तै, नेकपा एकीकृत समाजवादीका उम्मेदवार रामेवर श्रेष्ठले ८ हजार ५ सय ९१ मत ल्याएका छन् । एक साताअघिदेखि सुरु भएको मतगणना अझै जारी छ ।