- १३ जेष्ठ २०८३, बुधबार / May 27, 2026
काठमाडौं । मेयरहरुको संस्था उपत्यका नगरपालिका मेयर फोरमले कर्फ्यू आदेश जारी गरी निषेधाज्ञालाई कडाई गर्नुपर्ने बताएको छ । काठमाडौं महानगरका मेयर विद्यासुन्दर शाक्यलाई कोरोना संक्रमण भएपछि भर्चुअल बैठक बस्दै आएको मेयर फोरमले उपत्यकामा थप कडा बनाउन कफ्यू नै लगाउनुपर्ने सुझाव दिएको हो ।
मेयर फोरमका सचिव एवं मध्यपुर थिमि नगरपालिकाका मेयर मदनसुन्दर श्रेष्ठले फोरमको भर्चुअल बैठकले उपत्यकाका तीनवटै जिल्ला प्रशासन कार्यालयलाई कर्फ्यू आदेश जारी गर्न सुझाव दिएको बताए। १५ दिनसम्म निषेधाज्ञा जारी गर्दा संक्रमण फैलिन नपाएको समीक्षा गर्दै फोरमले निषेधाज्ञाले मानिसहरुको हिडडूल पूर्ण नियन्त्रण नभएकाले संक्रमणलाई पूर्ण रुपमा नियन्त्रणमा लिन कर्फ्यू नै उत्तम विकल्प भएको निचोड निकालिएको श्रेष्ठले बताए ।
कफ्यू लगाउनुअघि केही दिन अत्यावश्यक सामग्री किनमेलका लागि सहज बनाउने सुझाव दिएको उनको भनाई छ । काठमाडौं, भक्तपुर र ललितपुरमा जारी निषेधाज्ञा आज ९बुधबार० रातीदेखि सकिदैछ। अब भोलिदेखि के गर्ने भन्ने निर्णय गर्न उपत्यकाका तीनवटै जिल्लाका प्रमुख जिल्ला अधिकारीहरुको संयुक्त बैठक बसिरहेको छ। File photo use
