- ९ बैशाख २०८३, बुधबार / Apr 22, 2026
काठमाडौं । लगभग बोलीबाराबारमा पुगेको प्रधानमन्त्री केपी शर्मा ओली नेकपा अध्यक्ष पुष्पकमल दाहाल प्रचण्डसँग खुमलटारमा पुगेर छलफलमा सहभागि भए । लगतै उनी गृहमन्त्री रामबहादुर थापा बादललाई भेट्न उनकै निवासमा पुगेका छन् ।
पुल्चोक पुगेका प्रधानमन्त्रीले गृहमन्त्री रामबहादुर थापा बादलबीच निकै गम्भिर छलफल गरेको प्रधानमन्त्रीको सचिवालयले जनाएको छ । प्रधानमन्त्रीसंगैभौतिक पूर्वाधारमन्त्री वसन्त नेम्वाङ र स्वास्थ्यमन्त्री भानुभक्त ढकाल पनि सहभागी भएको जनाइएको छ । खुमलटारको भेटपछि बादललाई भेट्नै पर्ने स्थिति आएको प्रधानमन्त्रीका प्रेस सल्लाहकार सूर्य थापाले बताए।
प्रचण्ड निवास खुमल्टारमा प्रम ओली
शनिबार बिहान ११ बजे प्रचण्डलाई भेट्न ओली प्रचण्ड निवास खुमलटार पुगेका थिए । नेकपा भित्रको रडाको र किचलो उत्कर्षमा पुगेपछि प्रधानमन्त्री ओली पहिलो पटक प्रचण्डलाई भेट्न उनकै निवास पुगेका हुन्। एकाधिकार र सर्वसत्तावादविरूद्ध डटेर लड्ने प्रचण्ड पक्षको निष्कर्ष रहेका बेला ओलीको यस भेटलाई अर्थपूर्ण तरिकाले हेरिएको छ ।
