- १० असार २०८३, बुधबार / Jun 24, 2026
काठमाडौं । एक करोड ५० लाख २३ हजार ४ सय ३४ रुपैयाँ एभरेष्ट बैंकको इटहरी शाखाबाट बचतकर्ताले जम्मा गरेको रकम चोरी भएको छ ।
पाँच महिनाको अवधिमा ३३ जना ग्राहकको खाताबाट एक करोड ५० लाख २३ हजार ४ सय ३४ रुपैयाँ चोरी भएको जनाएको हो । ३३ जना बचतकर्ताको खाताबाट रकम चोरी भएपछि प्रहरीले बैंकको इटहरी शाखा प्रबन्धकसहित ९ जनालाई पक्राउ गरेको छ ।
पक्राउ पर्नेमा बैंकका सात जना कर्मचारी रहेको जिल्ला प्रहरी कार्यालय सुनसरीले जनाएको छ । पक्राउ परेकाहरुमाथि बैकिङ कसुर र संगठित अपराध कसुरमा म्याद थप गरेर अनुसन्धान भइरहेको छ ।
पाँच महिनाको अवधिमा ५९ पटक कनेक्ट आईपीएसमार्फत उक्त रकम निकािलएको देखिएको छ । बैंकका कर्मचारीले ग्राहकको कनेक्ट आईपीएसको आइडी पासवर्ड चोरर रकम पठाउने गरेका थिए ।
