- २७ भाद्र २०८३, शनिबार / Sep 12, 2026
काठमाडौं । बिरुवा गाउँपालिकाले बिरामीलाई आजबाट एम्बुलेन्स सेवा उपलब्ध गराएको छ । एम्बुलेन्स नहुँदा विरामीले सास्ती भोग्नु परेको अवस्था थियो । गाउँकार्यपालिकाको बैठकले गाउँपालिका भित्रका बिरामीलाई सहजरुपमा उपचार केन्द्र सम्म पु¥याउनका लागि एम्बुलेन्स सेवा उपलब्ध गराउने निर्णय गरेको थियो ।
सोही निर्णयलाई कार्यान्वयन गर्दै आजबाट सेवा प्रदान गरेको गाउँपालिका प्रमुख प्रशासकीय अधिकृत कुलराज सुवेदीले बताए । गाउँपालिकावासीलाइ उपचारमा सहज हाेस भनेर MBBS Doctor सहितकाे सेवा पनि उपलब्ध गराएकाे उनकाे भनाइ छ । बिरामीले समयमै उपचार नपाउँदा ज्यान जाने समस्या निम्तिन थालेपछि एम्बुलेन्स सेवा उपलब्ध गराउने निर्णय गरेको गाँउपालिका अध्यक्ष चुनप्रसाद शर्माले बताए ।
स्याङ्जा सदरमुकाम पुतलीबजारबाट दक्षिण पूर्वमा अवस्थित यो गाउँपालिकामा साविकका विरुवाअर्चले, मनकामना, ओरष्टे गा.वि.स. का सबै वडाहरू तथा साविकका गा.वि.स. पेल्काचौरको वडा ३ र ९,राङभाङको ४,५,६,७ र ८ चिन्नेबासको १,२,३,४,५ र ६ तथा किचनासको १,२,३,४,५ र ७ नम्बर वडाहरू गाभिएका छन् ।
८ वटा वडाहरू रहेको यस गाउँपालिकामा अब एम्बुलेन्स सेवा प्रदान भएपछि विरामीले सास्ती भोग्न नपर्ने उपाध्यक्ष देबीकुमारी थापाले बताईन् । उपचारका लागि यस भन्दा पहिले स्याङ्जा सदरमुकाम, पोखरा र बुटवल जानु पर्ने बाध्यता अबदेखि हटेको स्थानीयले बताएका छन् । गाउँपालिकाले स्वास्थ्य सेवावाट वञ्चित वडा नं २ र ७ मा यसै आर्थिक वर्षबाट सामुदायिक स्वास्थ्य केन्द्र शुरु गरेपछि यहाँका नागरिक हर्षित भएका छन् ।
साथै गाउँपालिकाले एमविविएस डाक्टर सहित ५ बेडको कोभिड विशेष अस्पताल शुरू गरेपछि गाउँपालिकावासी मात्र नभएर अन्य ठाउँका विरामीले समेत सहज सेवा लिइरहेका छन् । अहिले विशेष अस्पतालमा एक जना MBBS र दुई जना स्टाफ नर्स कार्यरत छन् । गाउँपालिकाले शुरु गरेको १२ बेडको आइसोलेसन सेन्टरमा ४ जना कोरोना संक्रमित बिरामीले सेवा लिइसकेकाे प्रमुख प्रशासकीय अधिकृत सुवेदीले बताए ।मंसिर २२ गतेबाट सेवा शरु गरेकाे एम्बुलेन्सले टोल टोलमा पुगेर सेवा प्रवाह गर्ने उनकाे भनाइ छ ।
