- ११ भाद्र २०८३, बिहीबार / Aug 27, 2026
सुर्खेत । कर्णाली प्रदेशमा आमसञ्चार प्रतिष्ठान गठन प्रक्रिया अघि बढाउने भएको छ ।
आन्तरिक मामिला तथा कानुन मन्त्री कृष्णबहादुर जिसीले आमसञ्चार प्रतिष्ठान गठन प्रक्रियालाई अघि बढाउने बताएका हुन् ।
शुक्रवार सुर्खेतको वीरेन्द्रनगरमा आयोजित एक कार्यक्रममा मन्त्री जिसीले आम सञ्चार प्रतिष्ठानमार्फत सञ्चार क्षेत्रलाई प्रविधि मैत्री बनाउँदै प्रवर्धन तथा विकास गर्न पहल गर्ने बताए ।
सूचना प्रविधिमा भएको विकासले शान्ति सुरक्षामा समेत चुनौती थपिएको भन्दै मन्त्री जिसीले सुरक्षा योजना बनाउने गरी तयारी भइरहेको जानकारी दिए ।
घाइते अपाङ्गता भएका पत्रकार सहित सम्पूर्ण नागरिकलाई स्वास्थ्य उपचारको प्रबन्ध मिलाउने तथा पुनर्स्थापना केन्द्र निर्माण गर्ने योजना रहेको उनको भनाइ छ ।
सञ्चारमाध्यमको विकासका लागि अभिभावकत्व प्रदान गर्दै प्रदेश सरकारले मिडिया प्रवर्द्धन कार्यक्रमका लागि नीति निर्माण गर्ने पत्रकारको भौतिक तथा पेसागत साथै स्वास्थ्य सुरक्षाका लागि पनि प्रदेश सरकारले अभिभावकत्व प्रदान गर्ने बताए ।
प्रादेशिक तहमा सचेतनामूलकसहितका कार्यक्रम लागु गरिने बताए ।
