- २३ बैशाख २०८३, बुधबार / May 6, 2026
कर्णाली । प्रदेशमा ९४ हजारभन्दा बढीको आरटी–पिसीआर विधिबाट कोरोना परीक्षण गरिएको छ । प्रदेशका चार प्रयोगशालामा गरी ९४ हजार ३ सय ८२ जनाको पिसीआर परीक्षण गरेको सामाजिक विकास मन्त्रालयको स्वास्थ्य सेवा महाशाखाले जनाएको छ ।
प्रदेश अस्पताल, पशुपक्षी रोग अन्वेषण प्रयोगशाला, दैलेख अस्पताल, कर्णाली स्वास्थ्य विज्ञान प्रतिष्ठान जुम्ला र चौरजहारी सामुदायिक अस्पताल पश्चिम रुकुम प्रयोगशालामा पिसीआर विधिबाट कोरोनाको परीक्षण हुने गरेको छ । तीमध्ये सबैभन्दा बढी सुर्खेतबाट ४० हजार ५८ जनाको परीक्षण भएको छ ।
जुम्लाबाट २७ हजार ९ सय ५५, दैलेखबाट छ हजार ८ सय २५ र चौरजहारीबाट १० हजार ३ सय ५०, भेरी अस्पताल बाँकेबाट ५७, राप्ती स्वास्थ्य विज्ञान प्रतिष्ठान दाङबाट २९, राष्ट्रिय जनस्वास्थ्य प्रयोगशाला टेकुबाट १७, नेपालगञ्ज मेडिकल कलेज कोहलपुरबाट दुई र कमलबजार प्रयोगशाला अछामबाट ८९ जनाको पिसीआर परीक्षण गरिएको छ । हालसम्म सात हजार १ सय १३ जना सङ्क्रमित भएको
महाशाखाले जनाएको छ ।
