- ३ कार्तिक २०८३, मंगलवार / Oct 20, 2026
काठमाडौं । नेपाली कांग्रेसले जारी गरेको घोषणापत्रलाई नेकपा एमालेका अध्यक्ष केपी शर्मा ओलीले ‘बकवास’ को दस्तावेज भनेर टिप्पणी गरेका छन् ।
राजनीतिक विश्लेषण नभएको र तथानाम गाली नै गाली भएको बकवासको पत्र भएको टिप्पणी गरेका हुन । मनमोहन स्मृति दिवसलाई सम्बोधन गर्दै ओलीले नामै किटेर आफूलाई गाली गरेको र उत्ताउलो विकास गरेको आरोप लगाए ।
ओलीले भने, ‘कांग्रेसको घोषणापत्र भनेको राजनीतिक दस्तावेज होइन । एमालेलाई धारे हात लगाएको छ, ५ वर्ष त्यसै खेर गयो भनेको छ । रेल ल्याउनु उत्ताउलो विकास हो ?’
खेस्रो लेखेर नीति नहुने भन्दै ओलीले कम्युनिस्ट आन्दोलनप्रति चिन्ता व्यक्त गरे ।
