- १३ श्रावण २०८३, बुधबार / Jul 29, 2026
काठमाण्डौ । क्षेत्र नम्बर १ बाट प्रतिनिधि सभा सदस्यमा नेपाली कांग्रेसका उम्मेदवार प्रकाशमान सिंह विजयी भएका छन् ।
सिंहले ७ हजार १४० मत प्राप्त गरेका छन् । प्रतिद्वन्द्वी राष्ट्रिय प्रजातन्त्र पार्टीका उम्मेदवार रवीन्द्र मिश्रले ७ हजार ११ मत प्राप्त गरे ।
मिश्रको भन्दा १२९ मत बढी ल्याएर सिंह विजयी भएका छन् ।
अघिल्लो प्रतिनिधि सभा २०७४ को चुनावमा पनि रविन्द्र मिश्र भन्दा ८१९ मत बढी ल्याएर सिंह निर्वाचित भएका थिए।
नेविसंघबाट राजनीतिमा
२०४६ सालको जनआन्दोलनका कमाण्डर गणेशमान सिंह र नेपाल महिला संघकी संस्थापक अध्यक्ष मंगलादेवी सिंहका छोरा उनलाई पारिवारिक वातावरणले नै नेपाली कांग्रेसको राजनीतिमा ल्याएको थियो ।
२०१२ सालमा जन्मेका उनी नेविसंघबाट राजनीतिमा आएका थिए । २०३४ सालमा नेविसंघको केन्द्रीय सदस्य बनेका उनी त्यसको दुई वर्षपछि अध्यक्षमा चुनिएका थिए । १४औं महाधिवेशनसम्म आइपुग्दा देउवाबाट निकै टाढा पुगिसकेका सिंहले सभापतिमा प्रतिस्पर्धा गरे ।
तर, दोस्रो चरणमा पुग्न नसकेपछि देउवालाई सभापति बन्न साथ दिएका उनले एकै निर्वाचन क्षेत्राट पटक पटक उठ्ने र जित्ने सौभाग्य पनि प्रापत् गरेका छन् । यसअघि २०७४ को चुनावमा सिंह १० हजार ९३७ मतका साथ विजयी भएका थिए ।
तत्कालीन विवेकशील साझा पार्टीका रवीन्द्र मिश्र १० हजार ११८ मतका साथ दोस्रो स्थानमा आएका थिए । तर, पछिल्लो समयमा राप्रपामा लागेका मिश्र दोस्रोपटक सिंहसँग भिड्न काठमाडौं १ मा नै आएका थिए ।
यसपटक सिंहका प्रतिस्पर्धामा धेरै नयाँ अनुहार आएपछि प्रतिस्पर्धा रोचक बनेको थियो ।०
