- ३० भाद्र २०८३, मंगलवार / Sep 15, 2026
हुम्ला । गत वर्षको तुलनामा यस वर्ष मानवाधिकार उल्लङ्घनका घटना बढी रहेको सरोकारवालाले बताएका छन् । ‘मानवाधिकार वर्ष पुस्तक २०२१’ का लागि सङ्कलित घटनाको वार्षिक पूर्व समीक्षा कार्यक्रममा इन्सेक हुम्लाले यस्तो बताएको हो ।
२०२१ का लागि तयार पारिएको प्रतिवेदनमा २०२० जनवरीदेखि हालसम्म राज्य पक्षबाट धम्की, कुटपिट चारवटा, अन्य पक्षबाट धम्की, कुटपिट सातवटा रहेका छन् भने महिला अधिकारसम्बन्धीका बलात्कार, बलात्कार प्रयास र यौन दुर्व्यवाहारका चारवटा घटना रहेका छन् ।
जातीय विभेद एक, बालअधिकार दुई, महिलाविरुद्ध हुने सबै प्रकारका भेदभाव, दुव्र्यवहारका चारवटा गरेर २७ घटना रहेको छन् । कार्यक्रममा प्रमुख जिल्ला अधिकारी चिरञ्जीवी गिरी, जिल्ला समन्वय समितिका प्रमुख दानबहादुर रावतलगायतको सहभागिता रहेको थियो ।
