- ३१ जेष्ठ २०८३, आईतवार / Jun 14, 2026
काठमाडौं । नेपाल मजदुर किसान पार्टीका सचिव एवंम प्रतिनिधि सभा सदस्य प्रेम सुवालले मानव अधिकार उल्लङ्घन गर्नेहरूलाई आममाफी दिन नहुने बताएका छन् । प्रतिनिधि सभाको सोमवारको बैठकमा बेपत्ता पारिएका व्यक्तिको छानबिनसम्बन्धी विधेयकमाथि भएको सैद्धान्तिक छलफलमा बोल्दै सांसद सुवालले हत्या, अपहरणजस्ता जघन्य अपराध गर्नेहरुलाई माफि दिन नहुने बताएका हुन ।
उनले विधेकमा उन्मुक्ति र माफि दिने व्यवस्था गर्नु दुर्भाग्य भएको बताउदै घुमाउरो पाराले पीडकलाई उन्मुक्ति दिने गरी विधेयक ल्याइएको तर्क गरे । सांसद सुवालले अहिले आएर मनोसामाजिक विधेयक भन्नु गलत भएको बताउदै उनले पीडकलाई फौजदारी दायित्व बहन गराउनुपर्ने तर्क गर्दै के फौजदारी दायित्व बहन गर्न नपर्ने दिन आएकै हो त ? भन्दै प्रश्न गरे ।
सांसद सुवाले कानुन अनुसार कारबाही गर्ने व्यवस्था हुनु नै उपयुक्त हुने तर्क गरे । नेकपा एमालेका सांसद प्रदीपकुमार ज्ञवालीले बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग (तेस्रो संशोधन) विधेयक २०७९ ‘फास्ट ट्र्याक’ बाट पारित गर्न नहुने बताए । उनले यो विधेयकलाई संसदबाट फास्ट ट्र्याकमा पारित गर्न नहुने बताउदै यो विषय संवेदनशील भएको प्रक्रिया दिए ।
