- १५ आश्विन २०८३, बिहीबार / Oct 1, 2026
काठमाडौं । नेपाली कांग्रेस भक्तपुरको जिल्ला सभापतिमा दुर्लभ थापा विजयी भएका छन् । मंगलबार बिहान सार्वजनिक मतपरिणाममा थापाले अर्का प्रत्यासी अष्ट कवेलाई पराजित गर्दै विजयी भएका हुन् ।
संस्थापन निकट थापाले ५ सय ५५ मत प्राप्त गरे भने कवेले ४ सय ४२ मत पाएको निर्वाचन समितिले जानकारी दिएको छ । यसअघि पनि थापा जिल्ला सभापति थिए । निर्वाचन समिति अनुसार उपसभापतिमा विजेश अवाल र उर्मिला वन निर्वाचित भएका छन् ।
त्यसैगरी सचिवमा सुशील बस्नेत र राजेश खड्का विजयी भएका छन् । सहसचिव पदमा यादवप्रसाद अधिकारी र कृष्ण मुरारी न्यौपाने विजयी भएका छन् । विजयी सबै थापा प्यानलकै रहेको समितिले बताएको छ ।
