- १६ असार २०८३, मंगलवार / Jun 30, 2026
भक्तपुर । क्युवा र क्युवाली कम्युनिस्ट पार्टीले कोभिड–१९ सङ्क्रमण रोकथाम गर्न युरोप र अफ्रिकी मुलुकमा विशेषज्ञ चिकित्सक टोली र उपकरण सहयोग गरेकोलाई विश्वका न्यायप्रेमी जनताबाट उच्च मूल्याङ्कन गरिएको भन्दै अन्तर्राष्ट्रिय प्रस्तावमा अमेरिकाको बाइडेन प्रशासनले क्युवाविरुद्धको नाकाबन्दीलाई थप कडा पार्ने निर्णयको नेमकिपाले भ्रतसना गरेको छ ।
३१ औँ परिषद् सम्पन्न गर्दै राष्ट्रिय तथा अन्तर्राष्ट्रिय घटनाक्रमको नजिकबाट विष्लेषण समेत गरेको नेपाल मजदुर किसान पार्टीले अमेरिकी प्रशासनले प्रजग कोरियासँग स्थायी शान्ति सम्झौता गरी दक्षिण कोरियाबाट अमेरिकी सेना र हतियार अविलम्ब फिर्ता गर्नुपर्ने आवश्यकता औँल्याउँदै अन्तराष्ट्रिय प्रस्तावमा हिन्द–प्रशान्त क्षेत्रमा अमेरिकी नेतृत्वको सैन्य गठबन्धन एमसीसी सम्झौता खारेज गर्नुपर्नेमा समेत जोड दिएको जनाएको छ ।
पार्टी अध्यक्ष नारायणमान बिजुक्छेँ (रोहित) को अध्यक्षतामा फागुन ८, ९ र १० गते भक्तपुरमा भएको पार्टी केन्द्रीय परिषद्ले केन्द्रीय समितिको प्रतिवेदन र राष्ट्रिय एवम् अन्तर्राष्ट्रिय प्रस्ताव पारित पारित गरेको हो । परिषद्ले पार्टी समिति र जनवर्गीय एवम् पेशागत समाजको सङ्गठनमा पार्टी प्रकाशनको अध्ययन, अन्तरक्रिया र प्रदर्शनीलाई चालू राख्ने निर्णय गर्दै राष्ट्रिय दलको मान्यता प्राप्त गर्न प्रतिनिधिसभाको निर्वाचनमा तीन प्रतिशत मत प्राप्त गर्नुपर्ने प्रजातन्त्रविपरीतका कानुनी प्रावधान खारेज गराउन जिल्ला–जिल्लामा विरोध अभियान थाल्नु पर्ने निर्णय समेत गरेको छ ।
