- ३० आश्विन २०८३, शुक्रबार / Oct 16, 2026
काठमाडौं । भुटानी शरणार्थी समस्याको समाधानको उपाय पहिल्याउन गठन गरिएको तीन सदस्यीय कार्यदलका विज्ञ सदस्यमा गणेशबहादुर केसीलाई नियुक्त गरिएको थियो । ठग गिरोहकै रोजाइमा पूर्वशिक्षक उनलाई ठगीमा संलग्न गिरोहका सदस्य सानु भण्डारीले कार्यदल सदस्य बनाएको खुलेको छ ।
यतिमात्रै होइन, ठगी गर्ने समूहले घुसपैठ गरेकोसमेत खुलेको हो । पूर्वसहसचिव बालकृष्ण पन्थीको संयोजकत्वमा रहेको कार्यदलको गठन प्रक्रियामा नै नक्कली भुटानी शरणार्थी बनाएर अमेरिका लैजान्छु भन्दै करोडौं असूल्ने गिरोह फेला गरेको हो । त्यसैको उपहार स्वरुप पन्थी नेतृत्वको कार्यदलमा तत्कालीन गृह प्रशासनले विज्ञका रुपमा गणेबहादुर केसीलाई सदस्य बनाएको छताछुल्ल भएको छ ।
गिरोहका सदस्य ललितपुरका सानु भण्डारीको रोजाइमा उनलाई कार्यदलको विज्ञ सदस्यका रुपमा नियुक्ति गरिएको पाइएको छ । २०४६ सालदेखि नै नेपाली कांग्रेसमा आबद्ध केसी २०७४ सालमा माओवादी केन्द्र प्रवेश गरेका थिए ।
नक्कली भुटानी शरणार्थी बनाइदिन्छु भनेर करोडौं असूली गरेको अभियोगमा प्रहरीको उपत्यका अपराध अनुसन्धान कार्यालय, बानेश्वरले १२ चैतमा पक्राउ गरेको थियो । रामबहादुर थापा ‘बादल’को मन्त्री स्तरीय निर्णयबाट ३० जेठ २०७६ मा पूर्वसहसचिव बालकृष्ण पन्थीको नेतृत्वमा तीन सदस्यीय कार्यदल बनेको थियो ।
