गुल्मीमा पहिरोले घर पुर्दा चारजना बेपत्ता, एकको शव भेटियो

गुल्मी। गुल्मीमा पहिरोले घर पुर्दा बेपत्ता भएका पाँच जनामध्ये एक जनाको शव फेला परेको छ । मालिका गाउँपालिका -६ कँडेलपाटाका भेषबहादुर बिकको घर गएराती पहिरोले पुर्दा एकै परिवारका पाँच जना बेपत्ता भएको वडाध्यक्ष दीपक भण्डारीले जानकारी दिए।

उद्वारको लागि नेपाली सेना र सशस्त्र प्रहरीको टोली घटना स्थलतर्फ लागेको छ । जनप्रतिनिधि, स्थानीय र प्रहरीको सहयोगमा उद्वार कार्यलाई तीब्र पारिएको छ । मालिका रिङरोड अन्तर्गत  जमलपोखरामा मेसिनरी वाल निर्माण नगर्दा सिंगो बस्ती र विद्यालय जोखिममा रहेको स्थानीयले बताएका छन् । अन्नपूर्ण पोस्ट दैनिकबाट।