स्याङ्जामा पहिरोले घर पुरिएर आमा छोरीको मृत्यु

स्याङ्जा। पहिरोले घर बगाउँदा फेदिखोला गाउँपालिका- ४ बाँगेमा आमा छोरीको मृत्यु भएको छ । बर्षाका कारण माथिबाट पहिरो झर्दा गएराती ३१ वर्षीया दुर्गा जिटी र उनका ३ वर्षिया छोरी निकिता जिटीको मृत्यु भएको प्रहरी नायब उपरीक्षक इन्द्रबहादुर रानाले जानकारी दिए।

ढुंगा, माटा र टिनले छाएको १ तले घरभन्दा झण्डै २०२५ मिटर माथिबाट पहिरो झर्दा घरमा सुतिरहेको आमा छोरीको घटनास्थलमा नै मृत्यु भएको प्रहरीको भनाई छ। पहिरोले घर र गोठ समेत भत्किएको छ। गोठमा रहेको १ भैसी पनि मरेको बताइएको छ। अन्नपूर्ण पोस्ट दैनिकबाट।