- ३१ असार २०८३, बुधबार / Jul 15, 2026
काठमाडौं । तोलाको १ लाख ७ हजार ५ सय पुगेर सुनको मूल्यमा ऐतिहासिक रेकर्ड कायम भएको छ । बिहीबार तोलामा १२ सय रुपैयाँ बढ्दै छापावाला सुनको मूल्य १ लाख ७ हजार ५ सय रुपैयाँ पुगेको हो ।
साताको पाँचौं दिन बिहीबार सुनको मूल्यले ऐतिहासिक रेकर्ड राखेको नेपाल सुनचाँदी व्यवसायी महासंघले जनाएको छ । बुधबार प्रतितोला एक लाख ६ हजार ३ सय रूपैयाँमा कारोबार भएको छापावाल सुनको मूल्य बिहीबार १२ सय रूपैयाँले बढेको जनाइएको छ ।
सुनको यो मूल्य हालसम्मकै उच्च हो । यसअघि माघ १२ गते सुनको मूल्यले ऐतिहासिक रेकर्ड राख्दै प्रतितोला एक लाख छ हजार ९ सय रुपैयाँ पुगेको थियो ।
चाँदीको मूल्य बिहीबार २५ रूपैयाँले बढेर १ हजार ३९५ रूपैयाँमा कारोबार भइरहेको महासंघले जनाएको छ । चाँदीको मूल्य अघिल्लो दिनको मूल्यमा २५ रुपैयाँले बढेको हो ।
