- २४ भाद्र २०८३, बुधबार / Sep 9, 2026
काठमाडौ । दशैं–तिहार जस्ता ठूला चाडपर्वले गर्दा कात्तिक महिनामा घरजग्गाको कारोबार घटेको छ । भूमि व्यवस्था तथा अभिलेख विभागले तथ्याङ्क सार्वजनिक गर्दै चाडपर्वमा कारोबार घटेको जनाएको हो ।
एक महिनाभित्रै दुई ठूला पर्वहरु परेकाले सार्वजनिक बिदा समेत धेरै भएको र नागरिक चाडपर्वमा व्यस्त रहेकाले घरजग्गाको कारोबारमा कमी आएको जनाएको छ । दशैं र तिहार दुई ठूला पर्वहरु कात्तिक महिनाभित्रै परेकाले पनि यस वर्षको कात्तिकमा घरजग्गाको कारोबार घटेको विभागले उल्लेख गरेको छ ।
जग्गाको कारोबार घटेसँगै कात्तिक महिनाको राजस्व घटेको छ । गत आर्थिक वर्षको कात्तिक महिनामा २७ हजार ९३९ लिखत पारित भएकोमा यस वर्षको कात्तिकमा २६ हजार ४६ लिखत पारित भएको छ ।
