जनप्रतिनिधिले थाले सवारी साधन फिर्ता

तनहुँ । तनहुँका जनप्रतिनिधिले सवारी साधनको सुविधा फिर्ता गर्न थालेका छन् । आसन्न स्थानीय तह निर्वाचनलाई मध्यनजर गरी आफूले प्रयोग गर्दै आएको सवारी साधन फिर्ता गर्न सुरु गरेका हुन ।

शुक्लागण्डकी नगरपालिकाका प्रमुख किसान गुरुङ, प्रवक्ता खिमबहादुर कुमाल र भीमाद नगरपालिका–९ का वडाध्यक्ष इमानबहादुर थापाले आइतबार सवारी साधन फिर्ता गरेका हुन।

दुवै ती पालिकाको नगरप्रमुखको आकाङ्क्षी छन् । शुक्लागण्डकीका प्रमुख गुरुङले आफूले प्रयोग आएको ग १ झ ३२१ नम्बरको स्कोरपियो फिर्ता गरे ।

प्रमुख प्रशासकीय अधिकृत लिलाबल्लभ न्यौपानेलाई चाबी हस्तान्तरण गरेका हुन । पुनः नगरप्रमुखमा दोहोरिनलाई आकाङ्क्षा व्यक्त गरेका छन् । नेपाली कांग्रेस शुक्लागण्डकीले उनी सहित दश जनाको नाम जिल्ला कार्यसमितिलाई सिफारिस गरेको छ ।