- १० असार २०८३, बुधबार / Jun 24, 2026
किभ । युक्रेनका राष्ट्रपति भ्लादिमिर जेलेन्स्कीको गृहनगरमा रुसी क्षेप्यास्त्र आक्रमण भएको छ । क्षेप्यास्त्र आक्रमणबाट मङ्गलबार बिहान ११ जनाको मृत्यु भएको छ ।
मस्कोले किभको सेनाबाट पश्चिमा जगत्ले प्रदान गरेका सशस्त्र गाडी पनि कब्जामा लिएको दाबी गरेको छ । सोमबार रातभर धेरै स्थानमा रुसी आक्रमण भएको थियो ।
क्रिभि रिगको मध्य भागमा रहेको पाँचतले आवासीय भवन ध्वस्त भएको छ । राष्ट्रपति जेलेन्स्कीले आतङ्कवादीहरूलाई कहिल्यै माफ नगरिने र लडिरहने प्रतिबद्धता व्यक्त गरे ।
राजधानी किभ र उत्तरपूर्वी सहर खार्किभ पनि मिसाइल र ड्रोन आक्रमणको चपेटामा परेपछि युक्रेनभर हवाई आक्रमणलाई विफल तुल्याउन युक्रेनको वायुसेनाले प्रतिरक्षात्मक कारबाही गरेको थियो ।
त्यसक्रममा रुसले प्रहार गरेका केही मिसाइल र ड्रोनलाई आकाशमा नै निष्क्रिय पारेको बताइएको छ ।
