डेल्टा भेरियन्ट भन्दा ओमिक्रोनको उत्परिवर्तन दर धेरै

एजेन्सी । विश्व स्वास्थ्य संगठन (डब्लूएचओ)ले ओमिक्रोन भाइरस डेल्टाभन्दा बढी संक्रामक भएको र यसले खोपको प्रभावकारिता घटाइदिने जनाएको छ । भारतमा फेला परेको डेल्टा भेरियन्ट केही महिना अघिसम्म निकै संक्रमित मानिएको भए पनि नयाँ भेरियन्ट ओमिक्रोनको उत्परिवर्तन दर धेरै भएको विज्ञहरुले जनाएका छन् ।

सबैभन्दा बढी पहिला देखिएको भनिएको दक्षिण अफ्रिकामा यसको संक्रमण दर तीव्र बढेको छ । ओमिक्रोनको कारण देखाउँदै विभिन्न देशले दक्षिण अफ्रिकी देशहरुमा यात्रा प्रतिबन्ध समेत लगाएका छन् ।डब्लूएचओले ९ डिसेम्बरसम्ममा ओमिक्रोन भेरियन्ट ६३ देशमा फैलिसकेको तथ्यांक सार्वजनिक गरेको छ ।