- १७ जेष्ठ २०८३, आईतवार / May 31, 2026
काठमाडौं । नेपाली कांग्रेसको चौधौं महाधिवेशनको मतदानमा सहभागि नहुने कांग्रेसका वरिष्ठ नेता रामचन्द्र पौडेलले घोषणा गरेका छन् । १४औँ महाधिवेशन अन्तर्गत आजको निर्वाचनमा नेता पौडेलले मतदान नगर्ने घोषणा गरेका हुन । निर्वाचनमा सभापतिका लागि पाँच जनाबीच प्रतिस्पर्धा हुदैछ ।
सभापतिमा शेरबहादुर देउवा, शेखर कोइराला, प्रकाशमान सिंह, विमलेन्द्र निधि र कल्याण गुरुङ प्रतिस्पर्धामा छन् । पौडेल रुष्ट भएपछि देउवा उनको निवास पुगेका थिए । देउवाले आफूलाई सहयोग गर्न वा अरुहरुको पक्षमा नखुल्न आग्रह गरेको जनाइएको छ ।
देउवासँगको भेटमा पौडेलले तटस्थ बस्ने प्रतिक्रिया दिएको स्रोतले जनाएको छ । पौडेल संस्थापनइतर समूहबाट सर्वसम्मत सभापतिको उम्मेदवार हुनुपर्ने अडानमा थिए । सहमति जुटन् नसकेपछि पौडेलले सबै तहका प्रतिस्पर्धाबाट बाहिरिने निर्णयमा पुगेका हुन ।
