- २९ श्रावण २०८३, शुक्रबार / Aug 14, 2026
पाल्पा । तीजको रमाइलो गर्ने क्रममा एक जनाको हत्या भएको छ । तिनाउ गाउँपालिका–२ घोडेबासका सुनिल खत्रीको चक्कु प्रहारबाट हत्या भएको जिल्ला प्रहरी कार्यालय पाल्पाले जनाएको छ ।
गएराति घोडेबासस्थित एक घरमा तीजको नाचगानको क्रममा दुई युवा समूहबीच सामान्य झगडा हुँदा खत्रीमाथि चक्कु प्रहार भएको हो ।
चक्कु प्रहारबाट गम्भीर घाइते खत्रीलाई उपचारका लागि रूपन्देहीको बुटवलस्थित लुम्बिनी प्रादेशिक अस्पतालमा उपचारको क्रममा मृत्यु भएको हो ।
हत्याको आरोपमा प्रहरीले स्थानीय चारजना युवालाई नियन्त्रणमा लिएर अनुसन्धान गरिरहेको छ ।
