दुई अमेरिकी सेनाको हेलिकप्टर दुर्घटना हुँदा ३ सैनिकको मृत्यु

एजेन्सी । अमेरिकाको अलास्कामा दुई अमेरिकी सेनाको हेलिकप्टर दुर्घटना हुँदा ३ सैनिकको मृत्यु भएको छ । तालिम उडानबाट फर्केका दुई अमेरिकी सेनाको हेलिकप्टर बिहीबार दुर्घटना भएको हो । चार जना सवार भएको हेलिकप्टर दुर्घटना हुँदा तीन सैनिकको मृत्यु भएको छ भने एक जना घाइते भएका छन् ।

सेनाको ११औं एयरबोर्न डिभिजनले बिहीबार ढिलो मृत्युको पुष्टि गर्दै भयो “दुई एएच(६४) अपाचे हेलिकप्टर हेली, अलास्का नजिकै दुर्घटनाग्रस्त भएको थियो, जुन एन्कोरेजबाट २ सए माईल उत्तरमा छ। चारमध्ये दुई सैनिकलाई दुर्घटनास्थलमै मृत घोषित गरिएको थियो र तेस्रोको फेयरब्याङ्कको अस्पताल लैजाँदै गर्दा बाटोमा मृत्यु भएको थियो।”

यो सैनिकहरूको परिवार, तिनीहरूका सहकर्मीहरू र डिभिजनका लागि अविश्वसनीय क्षति हो, डिभिजनका कमान्डिङ जनरल मेजर जनरल ब्रायन इफ्लरले एक विज्ञप्तिमा भनेका छन् । सेनाले मृतकहरूको परिवारलाई सूचित नगरेसम्म उनीहरूको नाम गोप्य राखेको र घटनाको अनुसन्धान भइरहेको बताएको छ। ११ औं एयरबोर्न डिभिजनका प्रवक्ता जोन एम पेनेलले घाइते सैनिकको अवस्थाबारे विस्तृत विवरण नभएको जानकारी दिए ।