- १९ श्रावण २०८३, मंगलवार / Aug 4, 2026
काठमाडौँ । प्रधानमन्त्री शेरबहादुर देउवाको व्यस्ततापछि नेपाली कांग्रेसको पदाधिकारी बैठक स्थगित भएको छ । आज दिउँसो २ बजे डाकिएको बैठक शुक्रबार २ बसे बस्ने गरि स्थगित भएको कांग्रेस मुख्यसचिव कृष्णप्रसाद पौडेलले बताए ।
बैठक स्थगित भएपछि देउवा मन्त्रिपरिषद् विस्तार र आफ्नो सरकारलाई विश्वासको मत प्राप्त गर्ने वातावरण बनाउन आन्तरिक एवं बहुपक्षीय छलफलमा व्यस्त छन् । सर्वोच्च अदालतको परमादेशपछि असार २९ गते प्रधानमन्त्री बनेका देउवाले कांग्रेस र माओवादीबाट दुईदुई जना सहभागी गराएर सानो आकारको मन्त्रिपरिषद बनाएका छन् ।
सरकारलाई विश्वासको मत दिलाउन संयुक्त सरकार बनाउने कोशिस गरेका देउवाले शुरूमा विपक्षी गठबन्धनमा रहेकाहरुलाई सरकारमा सहभागी गराउने बताएका छन् । बुधबार एमाले वरिष्ठ नेता नेपाललाई सरकारमा सहभागी हुँदै विश्वासको मतका लागि सहयोग गर्न आग्रह गरे ।
उनले जसपाको ठाकुर–महतो पक्षसँग छलफल गर्ने तयारी गरेको स्रोतको दावी छ । संयुक्त सरकार बन्ने अवस्था नआएमा देउवाले चुनावी सरकारको नेतृत्व गर्ने गरी मन्त्रिपरिषद विस्तार गर्ने तयारी गरेको देउवा सचिवालयले जनाइएको छ ।
