- ८ भाद्र २०८३, सोमबार / Aug 24, 2026
काठमाडौँ । विभाजित नेकपाको दाहाल–नेपाल पक्षले कांग्रेस सभापति देउवालाई हातमा लिएर प्रधानमन्त्री केपी शर्मा ओलीलाई ठिक पार्ने रणनीति लिएको छ ।
काग्रससंग मोर्चाबन्दी गरेर आन्दोलनमा जान बुधबार साँझ बुढानिलकण्ठस्थित देउवा निवासमै पुगेर प्रचण्ड माधवले फकाउने प्रयास गरे । संसद विघटनविरुद्ध संयुक्त आन्दोलनदेखि चुनावी तालमेलसम्मका विषय छलफल गरेर फर्किएको स्रोतको दावी छ ।
संसद पुनर्स्थापित भएमा ओलीलाई अविश्वासको प्रस्तावबाट हटाउने र त्यसपछिको संयुक्त सरकारमा देउवा सहभागी गराउने विषयमा देउवासंग छलफल भएको हो । प्रतिनिधसभा पुनर्स्थापना भएको अवस्थामा प्रधानमन्त्री को हुने भन्नेमा दाहाल–नेपालले प्रष्ट प्रस्ताव नराखेपछि देउवाले अदालबाट हुने फैसलाकै आधारमा अघि बढ्ने जवाफ दिएको स्रोतले बतायो ।
