- १६ असार २०८३, मंगलवार / Jun 30, 2026
काठमाडौं । नेपालमा थप ४०४७ संक्रमण पुष्टि भएसंगैकोरोना संक्रमितको संख्या १ लाख ११ हजार ८०२ पुगेको छ । स्थिति भयावह हुनसक्ने संकेत गर्दै उपत्यकाका अस्पतालमा कोरोनाका विरामी बाहेक अन्य अप्रेशन नगर्न निर्देशन मन्त्रालयले दिएको छ । तर अत्यावश्य अप्रेशनमा भने रोक लगाईएको छैन् ।
मन्त्रालयका अनुसार नेपालमा हालसम्म सक्रिय कोरोना संक्रमितको संख्या ३३ हजार ८८० रहेको छ । पछिल्लो २४ घण्टामा थप १४७३ जना कोरोना संक्रमणमुक्त भएका छन् । नेपालमा कोरोना संक्रमणबाट निको हुनेको संख्या ७७ हजार २२७ पुगेको छ । २४ घण्टामा थप ९ जनाको कोरोनाले मृत्यु भएसँगै हालसम्म ज्यान गुमाउनेको संख्या ६४५ पुगेको छ ।
सरकारी सबै अस्पताल कोरोना अस्पताल
सरकारले उपत्यकाका सबै सरकारी अस्पताललाई कोभिड अस्पतालमा रुपान्तरण गर्ने निर्णय गरेको छ । स्वास्थ्य तथा जनसंख्या मन्त्रालयले सबै सरकारी अस्पताललाई कोभिड अस्पताल बनाउने निर्णय गरेको हो । बैठकले अस्पतालले होटलहरुसँग सहकार्य गरेर होटल आइसोलेसन सेन्टर सञ्चालन गर्न अनुमति दिने पनि निर्णय गरेको छ ।
