दैलेखको आठबीसमा बस दुर्घटना हुँदा चार जनाको मृत्यु

दैलेख । कालिकोटबाट सुर्खेतका लागि छुटेको बस दैलेखको आठबीस नगरपालिका वडा नं २ सिस्नेमा दुर्घटना हुदा चार जनाको मृत्यु भएको छ । म १ ख ६६० नम्बरको बस दैलेखको आठबीस नगरपालिका–२ सिस्ने नजिक दुर्घटना हुँदा चार जनाको मृत्यु भएको हो ।

दुर्घटनामा गम्भीर घाइते १७ जनालाको सुर्खेतमा उपचार भइरहेको छ । दुर्घटनामा घाइते भएका अन्यको स्थानीय स्वास्थ्य संस्थामा उपचार भइरहेको छ । उक्त बस सडकबाट ५० मिटर तल कर्णाली नदीको छेउमा खसेको छ ।

दुर्घटनाबाट ज्यान गुमाउनेमा दैलेखको दुल्लु नगरपालिका–९ पदुकाका ३५ वर्षीय काशिराम पाण्डे, ३० वर्षीय धीरेन्द्र सुनार, कालिकोट पलाँता गाउँपालिका–३ का ३३ वर्षीय ज्ञानबहादुर बम र पलाँता गाउँपालिका–३ कै ३२ वर्षीया धनकला शाही रहेका जिल्ला प्रहरी कार्यालय दैलेखले जनाएको छ । प्रहरीले चालकलाई पक्राउ गरी अनुसन्धान गरिरहेको जनाएको छ ।