धनी कै कब्जामा कोरोनाविरुद्धको खोप

काठमाडौं । कोरोनाविरुद्धको खोप धनीकै कब्जामा रहेको खुलासा भएको छ । विश्वरभर १ अर्बभन्दा बढी कोरोनाविरुद्धको खोपको डोज धनी देशकै कब्जामा रहेको विश्व स्वास्थ्य संगठन (डब्ल्यूएचओ)ले खुलासा गरेको हो । डब्लुएचओका प्रमुख टेड्रोस अधानम ग्रेब्रेयससले धनी देशले नै खोपमा कब्जा जमाएको खुलासा गरेका हुन् । विश्वमा धनी देशसँग मात्रै कुल खोपको ८२ प्रतिशत खोप रहेको टेड्रोसले जानकारी दिए ।

उनले कोरोना महामारी नियन्त्रण्का लागि खोप नै प्रभावकारी विकल्प भएको र धेरैभन्दा धेरै मानिसहरुको पहुँचमा पुर्याउनु जरुरी रहेको बताए । विश्वमा गरिब देशहरुको पहुँचमा ०.३ प्रतिशत मात्र खोप रहेको डब्ल्यूएचओको तथ्यांक छ । राजनीतिक, आर्थिक र सामाजिक स्थिरताका कारण धनी देशहरुको कब्जामा बढी खोप रहेको टेड्रोसको भनाई छ ।