भागदौड मच्चिँदा ४४ जनाको मृत्यु

काठमाडौं । इजरायलको उत्तर पूर्वीमा अवस्थित धार्मिक समारोहमा भागदौड मच्चिँदा ४४ जनाको मृत्यु भएको छ । प्रधानमन्त्री बेन्जामिन नेतन्याहूले यसलाई गम्भीर क्षति भएको प्रतिक्रिया दिएका छन् । हताहती भएकाहरुका लागि प्रार्थाना गरिरहेको उनले बताएका छन् । इजरालयको राष्ट्रिय संकटकालीन सेवा मेगान डेभिड अडोम (एमडीए)ले मृतकको एकिन संख्या उल्लेख नगरे पनि दर्जनौं घाइते भएको बताएको छ ।

इजरायलमा कोरोना महामारी सुरु भएयता पहिलोपल्ट सबैभन्दा धेरै मानिस एकै ठाउँमा जम्मा भएका हुन् । माउन्ट मेरोन पहाडको फेदीमा आयोजित लेग बी’ओमार पर्वका लागि दशौं हजार यहुदीहरु भेला भएका थिए ।