- १० भाद्र २०८३, बुधबार / Aug 26, 2026
काठमाडौँ । नक्कली शरणार्थी बनाएर ठगेको आरोपमा थप ३ जनाविरुद्ध पक्राउ पुर्जी जारी गरेको छ । भुटानी शरणार्थीको परिचयपत्र बनाएर नेपालीलाई अमेरिका पठाउने नाममा ठगी गरेको घटनामा संलग्न आरोपमा थप तीन जनालाई अदालतले पक्राउ पुर्जी जारी गरेको हो । पक्राउ पुर्जी जारी हुनेमा केशव तुलाधर, हरिभक्त महर्जन र लक्ष्मी महर्जनको नाममा रहेको छ ।
२०७९ चैत १२ मा प्रहरीले केशव दुलाल, पाँचथरका टङ्क गुरुङ र ललितपुर घर भएका सानु भण्डारीलाई पक्राउ गरेको थियो । २०७९ चैत १५ मा पक्राउ परेका सागर मोरङको पथरी शनिश्चरे नगरपालिका स्थित वडा नम्बर–१० को पूर्व अध्यक्ष हुन् । सन्देश शर्मा चैत २९ मा पक्राउ परेका थिए । वैशाख २० मा सचिव टेकनारायण पाण्डे र वैशाख १९ मा पूर्व गृहमन्त्री ‘बादल’का सुरक्षा सल्लाहकार डा. इन्द्रजित राई पक्राउ परेका परेका थिए ।
आरोपीहरू विरुद्ध जिल्ला प्रहरी परिसर काठमाडौँले सङ्गठित ठगी मुद्दामा अनुसन्धान गरिरहेको छ । आरोपीहरूले अहिलेसम्म ४० करोड ठगेको प्रहरीको अनुसन्धानबाट खुल्न आएको छ ।
को हुन हरिभक्त र लक्ष्मी ?
हरिभक्त महर्जन न्यूरोडको ताम्राकार कम्प्लेक्स स्थित दिया सहकारीको सञ्चालक समिति सदस्य रहेको खुल्लन आएको छ । ठगीमा संलग्न मुख्य योजनाकार सन्देश शर्माको आग्रहमा पीडित मध्येका गजेन्द्र बुढाथोकी र रामकुमार रेग्मीले हरिभक्त र लक्ष्मीको नामको बैंक खातामा ५५ लाख नगद जम्मा गरेको अनुसन्धानबाट खुल्लन आएको छ ।
को हुन केशव तुलाधर ?
केशव तुलाधर पनि सहकारी सञ्चालक हुन् । पीडितहरूले प्रहरीलाई सन्देश शर्माले भनेअनुसार उनीहरुको खातमा नगद डिपोजिट गरेको बयान दिएका छन् । तुलाधरको बैंक खातामा ठगीको रकम आएको अनुसन्धानबाट खुलेको छ । पक्राउ पुर्जी जारी भएका तिनै जना आरोपी फरार छन् ।
