नागरिकको गुनासोः झ्यालबाट आएका योजनाले ठाउँ पाए

सुर्खेत । कर्णालीमा वर्षेनी बजेट माथी व्यापक छलफल हुने गर्दछ । स्थानीय तह, प्रदेश सरकार बीचमा बजेट निर्माण गर्दा व्यापक छलफल हुने गरेपनि बजेट निर्माण गर्दा झ्यालबाट आएका योजनाले मात्रै ठाउँ पाउने गरेका नागरिकले गुनासो गरेका छन् ।

पुरानै तरिका अपनाउदा समस्या भएको जनप्रतिनिधि बताउँछन् । योजना प्रदेशमा पठाएपनि प्रदेश सरकारले सो योजनाहरु छनोटमा नपारेर आफ्नै तरिकाको योजना पठाउदा प्राथमिकताका योजनाहरु ओझेलमा पर्ने गरेको पालिकाका जनप्रतिनिधि बताउँछन् ।

आर्थिक वर्ष २०८०÷०८१ को नीति तथा कार्यक्रम र बजेटको विषयमा बृहत् समन्वय बैठकमा सहभागी जनप्रतिनिधिले यो गुनासो गरे । प्रदेश सरकारले आगामी नीति तथा कार्यक्रम र बजेट कस्तो ल्याउने भन्ने विषयमा सबै निकायसँग सुझाव मागिरहेको छ । सुझाव माग्ने तर कार्यान्वन गर्दा अकै कुरा समावेश हुने गरेको भन्दै जनप्रतिनिधिले गुनासो गरेका छन् ।