संसद भवनमा सरकारको नीति तथा कार्यक्रम प्रस्तुत जारी

काठमाडौँ । आगामी आर्थिक वर्षको नीति तथा कार्यक्रम संघीय संसदमा प्रस्तुत भइरहेको छ । प्रतिनिधिसभा र राष्ट्रियसभाको संयुक्त बैठकमा राष्ट्रपति रामचन्द्र पौडेलले सरकारको आगामी आर्थिक वर्षको नीति तथा कार्यक्रम प्रस्तुत गरिरहेका छन् ।

संघीय सदनमा शुक्रबार सरकारको नीति तथा कार्यक्रम प्रस्तुत गर्न राष्ट्रपति पौडेल संसद भवनसम्म विना कारकेट प्रयोग गरी पुगेका छन् । राष्ट्रपतिको सवारीमा सामान्यतया शीतल निवासबाट संसद भवनमा सडक खाली गर्ने यसअघि प्रचलन रहेपनि राष्ट्रपति पौडेलले भने यसो गरेनन् । औपचारिकका लागि संसद भवनको गेटबाट मात्र कारकेडको व्यवस्था गरिएको थियो ।