नायक सुशान्तले गरे आत्महत्या

३२ जेठ २०७७ मुम्बई । भारतीय नायक सुशान्त सिंह राजपूतले आत्महत्या गरेका छन्। मुम्बईको बान् स्थित फ्ल्याटमा उनको शव भेटिएको हो । आत्महत्या गर्नुको कारण खुल्न सकेको छैन । ३४ वर्षीय सुशान्तका कामदारले यस घटनाको जानकारी पुलिसलाई दिएका थिए ।

ब्याकअप डान्सरका रुपमा बलिउडमा करिअर सुरु गरेका उनले टेलिभिजनमा पहिलो सिरियल बालाजी टेलिफिलिम्सको ‘किस देश में है मेरा दिल’ बाट चर्चामा आएका थिए । त्यसपछि उनले चलचित्रमा अभिनय थालेका थिए । उनी डान्स रियलिटी शो ‘जरा नच के दिखा २ र झलक दिखला जा ४ मा पनि देखिएका थिए ।

भारतमा पछिल्लो पटक बलिउडका चर्चित हस्तीहरुको मृत्यु भएको छ । अप्रिल महिनामा चर्चित अभिनेताहरु ऋषि कपुर, इरफान खानसँगै गायक एवं संगीतकार वाजिद खानको पनि मृत्यु भएको थियो । सुशान्त सिंह राजपूतको जन्म बिहारको पटनामा भएको हो । सुशान्तका ४ जना बहिनी छन् ।