नारायणगढ–मुग्लिङ सडक खण्डमा पहिरो फेरि पनि पहिरो

काठमाण्डौ । नारायणगढ–मुग्लिङ सडक खण्डमा पहिरो जाने क्रम रोकिएको छैन् । हरेक वर्षा याममा नारायणगढ–मुग्लिन सडक खण्डमा पहिरो चिनताको विषय बने पनि उपयुक्त समाधान हुन सकेको छेन् । पहिरो पन्छाएर सडक खुलाइए पनि फेरि बन्द भएको जिल्ला प्रशासन कार्यालय चितवनले जनाएको छ । वर्षा सुरु भएसँगै नारायणगढ–मुग्लिङ सडक खण्ड दिनहुँजसो पहिरो जाने र सडक अवरुद्ध हुनेक्रम चलिरहेको छ ।

पहिरो पन्छाएर जाममा परेका गाडीले पार गर्न नपाउँदै फेरि अर्को पहिरो जाने समस्या बढेको स्थानीयको भनाई छ । यो सडक हुँदै दैनिक १० हजारसम्म साना–ठूला गाडी आवतजावत गर्छन् । नारायणगढ–मुग्लिङ सडक खण्डसहित अहिले देशभरका १३ वटा राजमार्ग तथा सडकमार्ग बन्द छन् । यी सडकमार्ग पनि खुलाउने प्रयास भइरहेको सडक विभागले जनाएको छ । काठमाण्डौ प्रवेश गर्ने मुख्य सडकको रुपमा रहेको नारायणगढ–मुग्लिङ सडक खण्ड झन्डै एक हप्तायता पहिरोले लगातार अवरुद्ध हुँदै आएको छ ।