बागलुङको ताराखोलाको बाढीमा बाढि र पहिरोको वितण्डा

बागलुङ । बाढि र पहिरोका कारण बागलुङको ताराखोलाको एक जना बेपत्ता भएका छन् । निरन्तर वर्षाका कारण बागलुङको ताराखोला गाउँपालिका घुस्मेलीका १८ वर्षीय राजेन्द्र कार्की बेपत्ता भएका हुन । बाढीले स्थानीय चन्द्र कार्कीको ४१ वटा बाख्रा पुरेको छ । जस मध्ये अहिलेसम्म १० वटा जिवित र २७ वटा मृत बाख्रा निकालिएको प्रहरीले जनाएको छ ।

बागलुङको ताराखोलाको बाढीमा परि एक जना बेपत्ता, पहिरोमा पुरिएर २७ बाख्रा मरे, घुस्मेली बजार जोखिममा बजार क्षेत्रका करिब २५ घर परिवारलाई रातिनै सुरक्षित स्थानमा सारिएको जनाइएको छ । वर्षाका कारण इदि टोलबाट झरेको पहिरो र बाढीले स्थानीय ध्रुव खत्रीले संचालन गरेको रेष्टुरेन्ट समेत बगाएको छ । बाढी संगै खोलामा पानीको बहाब बढेर घुस्मेलि बजार क्षेत्रमा पस्न थालेको स्थानीयको भनाई छ ।