- १८ श्रावण २०८३, सोमबार / Aug 3, 2026
काठमाडौं । काम विशेषले काठमाडौं बसेका नागरिकले स्थानीय तहको निर्वाचनमा मत दिनका लागि गाउँ फर्किनेको संख्या करिब १२ लाख पुगेको छ । दैनिक २० हजारले उपत्यका छोडेको तथ्याङ्क छ बसपार्कसंग छ।
गोंगबुस्थित राजधानीको नयाँ बसपार्कमा दशैंमा नदेखिएको उत्साह यस चुनावमा देखिएको हो । विभिन्न राजनीतिक पार्टीले स्थानीय चुनावका लागि गृहजिल्ला जान चाहनेका लागि निःशुल्क बससुविधा दिएपछि बसपार्कमा मतदाताको ओइरो लागेको हो ।
दर्जनौं गाडी र बाक्लो भीडमा आफू जाने गाडीको भेउ नपाउँदा धेरै यात्रु अलमलिएका देखिन्थे । सम्बन्धित जिल्लाबाटै गाडीको बुकिङ भएकाले मेचीदेखि महाकालीसम्मका नागरिक बसपार्कमा भेटिएका थिए । गाउँ जान पाएकोमा उनीहरू दङ्गदास त थिए नै एउटै भोटले हारजितको निर्क्योल गर्ने भएकाले पनि मताधिकार प्रयोग गर्नुपर्ने उनीहरू बताएका थिए ।
निःशुल्क बस सेवा मिलाएका सरोकारवालाहरू भने खर्च गरेर मतदाता ओसारेको भन्न चाहेका थिएनन् । कुनै दल वा उम्मेदवारको निगाहविना आफ्नै खर्च मताधिकार प्रयोग गर्न गृहजिल्ला जानेहरूको लर्को पनि त्यत्तिकै थियो । मतदानकै लागि थातथलो जान लागेकाहरू नागरिक अधिकार गुमाउन नहुने पक्षमा थिए ।
अहिलेको भन्दा आगामी दिन सुधारका लागि पनि मतदान गर्नुपर्ने उनीहरूको धारणा थियो । पार्टी भन्दा पनि व्यक्ति छान्न आफूहरू जान लागेको बताउँदै थिए। यात्रुहरूको चाप बढ्दा बाहिरिने यात्रुको सामान लोड गर्ने मजदुरले पनि उतिक्कै काम पाए । सामान मिलाउन भ्याइनभ्याइ थियो ।
गाडीहरू सबै भरिभराउ भएको यो समयमा अघिल्लै दिन अघिल्लो दिन नैबुकिङ भइसकेका हुन्थ्य । पाँच वर्षपछि आफ्नो जनप्रतिनिधि चयनमा देखिएको मतदाताको उत्साह थियो । लोकतन्त्र सबल बनाउने प्रमुख आधार भन्दै उपत्यका छोडेपछि सुनसान देखिन थालेको छ ।
