सर्वदलीय बैठकमा खुकुरी लिएर गएपछि…

गोरखा । निर्वाचनलाई लक्षित गरी गण्डकी गाउँपालिकामा बोलाइएको सर्वदलीय बैठकबाट एक जनालाई प्रहरीले नियन्त्रणमा लिएको छ ।

बैठकमा खुकुरीसहित पुगेका मनोज गुरुङलाई प्रहरीले पक्राउ गरेको हो । नेपाली कांग्रेसको प्रतिनिधित्व गर्दै बैठकमा सहभागी भएका उनले झोलामा खुकुरी लिइएको डीएसपी लिलाराज लामिछानेले बताए ।

शंका लागेर झोला चेकजाँच गर्दा खुकुरी भेटिएको उनको भनाइ छ । गुरुङ प्रहरीको नियन्त्रणमा रहेको र घटनाबारे थप अनुसन्धान भइरहेको डीएसपी लामिछानेले बताए ।