- २ असार २०८३, मंगलवार / Jun 16, 2026
काठमाडौं । भारतीय प्रधानमन्त्री नरेन्द्र मोदी नेपालको अतिक्रमित भूमि कालापानी तथा लिम्पियाधुरा क्षेत्रमा आउने भएका छन् । मोदी आज कालापानी क्षेत्रमा पुग्ने बताइएको छ । कैलाश पर्वतको दर्शन र पूजापाठका लागि आउन लागेको बझिएको छ ।
मोदीले कैलाश पर्वतको बेसक्याम्प भनिने जोलिङकाङबाट कैलाश पर्वतको दर्शन र पूजापाठ गर्ने कार्यक्रम छ । उनी गुञ्जी क्षेत्रका गाउँ पुग्नेछन् र गुञ्जीसहित नाभि, कुटी, रोङकाङ, नपलच्यू, गर्ब्याङ र बुदीका स्थानीयबासीसँग छलफल गर्ने बताइएको छ ।
कालापानी क्षेत्रमा मोदीले भारतीय सेना, इन्डो–तिब्बत बोर्डर पुलिस, सशस्त्र सीमा बल र सुरक्षा अधिकारीसँग पनि भेटघाट र छलफल गर्नेछन् । मोदीसँग उत्तराखण्ड राज्यका मुख्यमन्त्री पुष्करसिंह धामी पनि कालापानी क्षेत्र पुग्ने भएका छन् ।
मोदीले भ्रमण गर्न लागेको गुञ्जी क्षेत्र रहेको कालापानी, लिम्पियाधुरा र लिपुलेकलाई नेपालले आफ्नो नक्सामा समावेश गरेको छ । तर भूमि फिर्ताको ठोस पहल भने अहिलेसम्म भएको छैन ।
