नेपालमा घटेन पेट्रोलियम पदार्थको मूल्य

काठमाडौं । ​नेपाल आयल निगमले भने पेट्रोलियम पदार्थको भाउ नघटाउने भएको छ। भारतबाट इन्धनको मूल्य घटेर आए पनि नेपाल आएल निगमले मूल्य नघटाउने भएको हो । इन्डियन आयल कर्पोरेशन लिमिटेड (आइओसी) बाट आएको नयाँ मूल्य सूचीअनुसार पेट्रोलमा १ रूपैयाँ २१ पैसा र डिजेलमा ५ रूपैयाँ ५ पैसा घटेर आए पनि नेपाल आएल निगमले नघटाउने भएको हो ।

खाना पकाउने एलपी ग्यासमा भने प्रति सिलिण्डर ३ सय ३९ रूपैयाँ ६ पैसा बढेर आएका कारण निगमलाई प्रति सिलिण्डर ६ सय ३५ रूपैयाँ ५० पैसा घाटा लाग्ने निगमले जनाएको छ ।

निगमले केही वर्षयता पेट्रोलियम पदार्थमा ‘स्वचालित मूल्य प्रणाली’ लागू गरेको छ। उक्त स्वचालित प्रणाली लागू गर्दा निगमले भारतबाट इन्धनको मूल्य बढेर आए त्यसैअनुसार यहाँ पनि मूल्य बढ्ने र घटेर आए त्यसैअनुसार यहाँ मूल्य घट्ने जनाएको थियो।