लुम्बिनी प्रदेशमा आठ दलको सरकार बनाउने तयारी

दाङ । आठ दलिय गठबन्धनको सरकार लुम्बिनी प्रदेशमा बन्ने तयारीमा रहेको छ । संघमा समीकरण फेरिएपछि लुम्बिनी प्रदेशमा त्यसै अनुसारको सरकार बन्ने तयारी भएको हो । नेपाली कांग्रेस, माओवादी केन्द्र, जनमत पार्टी, जनता समाजवादी पार्टी, लोकतान्त्रीक समाजवादी पार्टी, एकीकृत समाजवादी पार्टी, राष्ट्रिय जनमोर्चासहितको राजधानी भालुबाङमा बुधबार बसेको संयुक्त बैठकले गठबन्धनको सरकार बनाउने तयारी थालेको हो ।

प्रदेशमा हाल नेकपा एमालेका मुख्यमन्त्री लिला गिरी छन्। उनलाई माओवादी केन्द्र, नाउपा, राप्रपा, जसपा, जनमत, लोसपा, एकीकृत समाजवादी पार्टी र दुई जना स्वतन्त्र सांसद गरी ५७ जनाले विश्वासको मत दिएका थिए। प्रदेशमा एमालेका २९, कांग्रेसका २७, माओवादी केन्द्रका १०, नागरिक उन्मुक्ति पार्टीका चार, राप्रपाका चार, जसपा ,जनमत र लोसपाका तीन र तीन, एकीकृत समाजवादीका एक र दुई स्वतन्त्र सांसद रहेका छन्।

वर्तमान सरकार अफल भएको दाबी गर्दै नयाँ सरकार बनाउने विषयमा छलफल गरेको नेताहरुले बताएका छन् । दुई महिना भित्र प्रदेशमा नयाँ सरकार बन्ने र नयाँ समीकरणका साथ अघि बढ्ने जानकारी उनीहरुको भनाई छ ।