- २ भाद्र २०८३, मंगलवार / Aug 18, 2026
दिल्ली । नेपाली मजदुर चढेको बस दुर्घटना हुँदा एक बालकको मृत्यु भएको छ । पाँच जना घाइते भएका छन् ।
बिहीबार धनगढीको कालिका मष्टामण्डली टुर एण्ड ट्राभल्सबाट टिकट लिएका ५६ जना नेपाली मजदुर चढेको भारतीय यूपी (३३)पी १३७५ नम्बरको बस पलियामा दुर्घटना भएको हो ।
दुर्घटनमा चार वर्षीय बालकको मृत्यु भएको प्रहरीले जनाएको छ । दुर्घटनामा परेर अछामको बान्नीगढी जयगढ गाउँपालिकाका ४ वर्षीय विष्णु थापाको मृत्यु भएको जिल्ला प्रहरी कार्यालय कैलालीले जनाएको छ ।
घाइतेहरूको भारतमै उपचार भइरहेको छ भने मृतकको शव पनि भारतमै रहेको छ । दुर्घटनाको कारण अहिले सम्म खुल्न सकेको छैन ।
