- १६ जेष्ठ २०८३, शनिबार / May 30, 2026
काठमाडौं । नेपाली विद्यार्थी विपिन जोशीलाई प्यालेस्टिनी लडाकु समूह हमासले अपहरण गरी लगेको पुष्टि भएको भएको छ । दूतावासले आज एक विज्ञप्ति जारी गरी हमासले बन्धक बनाई गाजातर्फ लगेकाहरूमा विपिन जोशी पनि रहेको इजरायली डिफेन्स फोर्सले जनाएको छ ।
हमासको बन्धक हुनेहरूमध्ये विपिनसमेत रहेको आईडिएफका प्रवक्ताले दूतावासलाई जानकारी दिएको छ । तर दूतावासले विपिनको पछिल्लो अवस्थाबारे यकिन गर्न नसकिएको र उनी हालसम्म पनि सम्पर्कविहीन नै रहेको बताएको छ ।
उनको खोजी र उद्धारका लागि पहल भइरहेको छ । यता, परराष्ट्र मन्त्रालयले विपिन गाजास्थित एक अस्पतालमा स्वस्थ अवस्थामा रहेको जनाएको छ । प्रवक्ता सेवा लम्सालले यसबारे पुष्टि हुने आधार खोजिरहेको बताएकी छन् ।
