नेपाल आज क्यानडासँग भिड्दै

काठमाण्डौं । आईसीसी टी–२० विश्व कप क्रिकेटको ग्लोबल छनोट ए को तेस्रो खेलमा नेपाल आज क्यानडासँग भिड्दै छ । दिउँसो पौने ४ बजे अल अमिरात क्रिकेट मैदानमा हुने छनोट खेलमा समूह ‘बी’ मा रहेको नेपाल आज क्यानडालाई हराउँदै लगातार तेस्रो जित निकाल्ने दाउमा छ ।

यसअघि ओमानलाई ३९ रन र फिलिपिन्सलाई १ सय ३६ रनले हराएको नेपालले दुई खेलमा चार अङ्क जोडेको छ । नेपाल शीर्षस्थानमा रहेको छ भने दुई खेलमा दुई अङ्क जोडेको क्यानडा दोस्रो स्थानमा रहेको छ ।

नेपालले क्यानडालाई पराजित गरे नेपाल सेमिफाइनलमा प्रवेश गर्नेछ । फाइनल पुग्ने टोलीले अष्ट्रेलियामा अक्टोबर १६ देखि नोभेम्बर १३ तारिखसम्म हुने आईसीसी पुरुष टी–२० विश्व कपको लागि खेल्ने छ ।