‘नो मास्क’ आन्दोलन

रोम । इटालीको राजधानी रोममा अचानक फर दृश्य देखियो । मास्क प्रयोगका विरुद्ध प्रदर्शन भएको हो ।

सरकारले कोरोना भाइरस फैलिन नदिन मास्क प्रयोगलाई अनिवार्य गरेपनि मृत्युदर बढेको बढ्यै भएपछि यसको प्रयोगविरुद्ध प्रदर्शन भएको सञ्चारमाध्यमले जनाएका छन् । शनिबार १६ जना कोरोना संक्रमितको मृत्यु भएको जानकारी स्वास्थ्यमन्त्रीले दिएपछि प्रदर्शन सुरु भएको हो।

लामो समयसम्म मृत्युदर घटे पनि शनिबार एकैदिन १६ जनाको ज्यान गएको हो। त्यस्तै थप १ हजार ६९५ संक्रमित भेटिएका छन्। विश्वभर फैलिएको भाइरसबाट हालसम्म इटालीमा २ लाख ७६ हजार ३३८ संक्रमित भइसकेका छन् भने ३५ हजार ५३४ को ज्यान गएको छ।