नौबिसे–मुग्लिन सडक खण्ड अवरुद्ध

धादिङ । पहिरोका कारण नौबिसे–मुग्लिन सडक सोमबारदेखि अवरुद्ध भएको छ । धुनीबेसी– ६ स्थित गणेश खोलामा आएको पहिरोका कारण उक्त सडकखण्ड करिब ४ः३० बजेदेखि अवरुद्ध भएको हो ।

वर्षासँगै खोलाको वहाव बढी रहेको छ भने त्यहाँ आवत–जावत गर्ने सवारी एवम् सर्वसाधारण प्रभावित भएका छन् ।

सडक खुलाउन नेपाली सेनाले सैनिक इन्जिनियरसहितको टोली खटाएको छ ।

उक्त टोलीले निरन्तर मर्मत कार्य गरिरहेको छ भने रातभर करिब १० फिट तलबाट ग्याविन वायर लगाइ माटो तथा ढुंगा भर्ने कार्य गरिरहेको छ ।